Euskal Herria Zuzenean jaialdiari gaur, uztailak 3 emango zaio hasiera eta aste bukaera osoan zehar makina bat talde igoko da taula gainera. Manu Chaok emango dio gainera hasiera jaialdiari Radio Bembarekin batera.
2009/07/03 09:05:04.555 GMT+2
Euskal Herria Zuzenean jaialdia Heletan
Nork: Maider Arregi.2009/07/03 09:05:04.555 GMT+2
Etiketak:
euskal_herria_zuzenean
heleta
| Permalink
| Erantzunak (0)
| Errenferentziak: (0)
2009/07/02 12:04:33.908 GMT+2
Ruper Ordorikak udazkenean kaleratuko du lan berria
Oñatiko musikariak disko berria, New York eta Euskal
Herria artean egiten hasita dago. Azken lanak izango duen izenburua, ordea, oraindik ez da kaleratu eta definitzeke dago. Elkar diskoetxeak adierazi duenez, kantu berriak izango ditu, ahoz eta bihotzez urteen poderioz lortu duen
publiko fidelarentzat.
Ruper Ordorikaren marka, kalitate mailarik altuenaren laguntzarekin dator, melodia iradokitzaileak, bizitzaren zentzuaz beteriko mezuak... Kantatzeko era zuzena eta erakargarria izango dituela nabarmendu du diskoetxeak.
Ruper Ordorika - Zaindu maite duzun hori
Ruper Ordorikaren marka, kalitate mailarik altuenaren laguntzarekin dator, melodia iradokitzaileak, bizitzaren zentzuaz beteriko mezuak... Kantatzeko era zuzena eta erakargarria izango dituela nabarmendu du diskoetxeak.
Ruper Ordorika - Zaindu maite duzun hori
Nork: Maider Arregi.2009/07/02 12:04:33.908 GMT+2
Etiketak:
ruper_ordorika
| Permalink
| Erantzunak (0)
| Errenferentziak: (0)
2009/07/02 11:30:49.632 GMT+2
Gasteizko jaietako txosnetako kontzertuak
Gasteizko txosnetako kontzertuen berri eman zuten atzo, uztailak 1.
Abuztuaren 4an gaueko 0:00etan Cobra eta Kaotikok irekiko dute eszenatoki nagusia.
Abuztuaren 4an gaueko 0:00etan Cobra eta Kaotikok irekiko dute eszenatoki nagusia.
Abuztuaren
5ean, gauerdian ere, The Kluba izango da, Juantxo Skalariak-en talde
berria, eta beraien ondoren DR. RING-DING, alemaniako Ska talde beteranoa.
Gau horretan bertan, gaueko 4:00etan karpan, Revolutionary Brothers donostiarrak
arituko dira, beren Sound System proposamenarekin.
Abuztuaren 6an, zuzenekoak 20:30ean hasiko dira. 0:00etan Willis Drummon lapurtarrek hasiera emango diote gau rockeroari. Jarraian Sexty
Sexers-ek joko due aurkezpenik behar ez duen Berako laukotea.
Gaua bukatzeko, Sharon Stoner oñatiarrak arituko dira karpan, gaueko 4:00etan.
Abuztuaren 7an Indarrap eta Ekon arrasatearren txanda da. Gasteiztarrek bere hip-hop indartsua
dakarte eta Arrasateko talde beteranoa berpiztua itzuliko da taula gainera.
Gau horretan bertan karpan Dejota DJa arituko da bere bitsa jaiarekin.
Abuztuaren 8an
musika Insershow-ren eskutik joango da, punk-rock berbena interaktiboa. Ikusleek errepertorioa aukeratu eta taldearekin batera taula gainean
abesteko parada izango dute.
Abuztuaren 9an Vomito eta Gatillazoren punk doinuak
eszenatoki nagusian. Carrocerrías Betoñok karpa hurrengo urterarte
agurtuko du.
Nork: Maider Arregi.2009/07/02 11:30:49.632 GMT+2
Etiketak:
gasteiz
kontzertuak
| Permalink
| Erantzunak (0)
| Errenferentziak: (0)
2009/07/01 15:08:54.183 GMT+2
iKultur jaialdia Irunen: Vive la Fête eta Alpha Blondy abuztuaren 7 eta 8an
Krisiak musika jaialdiak jo eta akabatu egin ditu antza baina Euskal Herrian korrontearen kontra bada ere aberastuz doa panorama. Udako agenda, zehazki abuztuaren 7 eta 8an, hitzordua Irunen da. iKultur izeneko jaialdia antolatu dute han eta kartel ezin bitxiagoa osatu. Batetik, egubakoitz "rasta-poperoa" dago Macaco banderadun eta oholtza gainean Alpha Blondy, Eskorzo eta Bad Sound System askoz ere mamitsuagoak lagun dituela. Eta zapatuan electro proposamen beroagoei tokatuko zaie Vive la Fête belgiarrekin eta haiekin batera Cycle, Danger edota Backbonek joko dute. Guztia borobiltzeko eta etxeko uzta moduan uda honetan eguzki gutxi hartzeko asmoa bide dute We Are Standard.
Nork: danbaka.2009/07/01 15:08:54.183 GMT+2
Etiketak:
| Permalink
| Erantzunak (0)
| Errenferentziak: (0)
2009/07/01 08:45:31.023 GMT+2
Lordwich taldeak lehen diskoa aurkeztuko du
Bergarako Lordwich Power Metal taldeak uztailaren 4an aurkeztuko du bere lehen diskoa. Zaragozako Evernight Power Metal taldearekin batera joko dute, Bergarako gaztetxean, 22:00etan, doan.
Musikantoi saioko elkarrizketa
Musikantoi saioko elkarrizketa
Nork: Maider Arregi.2009/07/01 08:45:31.023 GMT+2
Etiketak:
lordwich
| Permalink
| Erantzunak (0)
| Errenferentziak: (0)
2009/06/29 15:53:16.074 GMT+2
Musikairek Elorriko txokoak musikaz jantziko ditu
Uztail osoan zehar eta abuztuan bitartean, Elorrioko kaleak musikaz jantziko dira. Askotariko estiloak, denon gusturako. Aurten, Gasteizeko Big Band, Txuma Murugarren, Oreka Tx, Cherry Boppers eta Delorean euskal taldeez gozatzeko aukera izango da. Baina atzerritik, bestelako doinuak ekarriko dituzte 17 Hippies, Blue Harlem eta Mastretta, besteak beste. Antzerkia ere izango da. Hemen duzue egitarau zabala.
Delorean "as time breaks off"
Delorean "as time breaks off"
Nork: Maider Arregi.2009/06/29 15:53:16.074 GMT+2
Etiketak:
musikaire
| Permalink
| Erantzunak (0)
| Errenferentziak: (0)
2009/06/28 08:53:39.660 GMT+2
Realaren ereserki berria
Realaren ereserki berria entzungai.
Atzo arratsaldean aurkeztu zuten Donostiako Victoria Eugenia antzokian txuri-urdinen mendeurreneko abestia, Andoni Egaña eta Mikel Erentxunek sortutakoa. Kantu honetan Leire, La Oreja de Van Gogh taldeko abeslaria, Gose taldeko Ines, Alex Ubago, Ainhoa Gozategi, Mikel Erentxun eta Andoni Egaña berak parte hartzen dute, besteak beste.
Atzo arratsaldean aurkeztu zuten Donostiako Victoria Eugenia antzokian txuri-urdinen mendeurreneko abestia, Andoni Egaña eta Mikel Erentxunek sortutakoa. Kantu honetan Leire, La Oreja de Van Gogh taldeko abeslaria, Gose taldeko Ines, Alex Ubago, Ainhoa Gozategi, Mikel Erentxun eta Andoni Egaña berak parte hartzen dute, besteak beste.
Realaren mendeurreneko abestia. Andoni Egaña / Mikel Erentxun
Nork: Danbaka.2009/06/28 08:53:39.660 GMT+2
Etiketak:
reala
| Permalink
| Erantzunak (0)
| Errenferentziak: (0)
2009/06/26 12:39:33.773 GMT+2
3.60 aretoaren agur festa
Arrasateko
3.60 aretoa bost urteko etapa ixteko gertu dago. Azken etapa honetan
talde asko igaro dira San Andresko aretotik: Marky Ramone, Baron Rojo,
Elcano Browning Cream, Su ta Gar, Elliot Murphy, Petti, Gatibu,
Discipline eta beste hainbat. Guztira, 250etik gora emanaldi izan dira
azken bost urteotan eta, horrez gain, DJ emanaldiek ere presentzia
nabarmena izan dute programazioan. Disko jartzaileen kasuan rocka eta
musika elektronikoa uztartu dituzte aretoko arduradunek.
Orain, aretoak etapa bati itxiera emango dio. Yago Gascon aretoko
dinamizatzaile eta argi teknikariak azpimarratzen duen moduan: "Gure
zikloa bete egin dugu eta beste gauza batzuetan murgilduko gara
aurrerantzean, gauzak zertxobait aldatu egin direlako eta, logikoa
denez, gutako bakoitzak bere egoera pertsonal propio daukalako".
Musika
estilo ezberdinak tartekatzea izan da 3.60 aretoaren ezaugarrietako
bat: "Musika izan da asteroko protagonista eta estilo ezberdinak
jorratzen, pluralak izaten saiatu gara, ikusle ezberdinengana heltzeko
ideiarekin. Eta uste dugu lortu egin dugula, gainera, eta horregatik
gaude pozik", diosku Gasconek.
Joan den zapatuan agur elektronikoa egin zuten eta San Juan eguneko bezperan azken DJ saioa izan zen, Pablo Akarosen eskutik.
Kontzertuak gaur eta bihar
Gaur, egubakoitza, Gose eta Anger taldeen kontzertua izango da, 22:30ean. Gosek lehenbiziko kontzertua 3.60 aretoan eman zuen, eta, Ines Osinaga kantariak dioen moduan, areto berezia da eurendako. Ziur gaude gaur dena emango dutena taula gainean.
Biharko, zapaturako, musika maratoia iragarrita dago, 16:00etan hasita. Honako talde hauek hartuko dute parte: Bizardunak, Señor No, Obligaciones, Never Surrender, Jukebox, Los Cretinos, Bitter Sabath, Surfin Kaos, Los Galerna, Nuevo Catecismo Catolico, Teen Dogs, Lobo Electrico eta, bukatzeko, DJ saioa Mansilla bergararrarekin. Gasconendako ere kontzertu berezia izango da biharkoa: "Penarik ez daukat aretoa uzteagatik, baina hemendik hilabetera, agian, faltan sumatuko dugu, ez dakit. Edozein modutan, agur indartsua eman nahi diogu, funeral rockeroa". Egondako kontzertu guztietatik bereziki bi nabarmentzen ditu, Arkada Socialek 2007an emandakoa ("ikaragarria izan zen jendearen erantzuna gau hartan") eta Brand Bjork-ena, iaz ("jende gutxi egon arren, kontzertu ederra izan zen, sorpresa atsegina"). Lekukoa beste batzuek hartu beharko dute orain.
Errelebua, irailetik aurrera
Bi lagun izan dira 3.60 aretoko arduradunak, David Naranjo eta Igortz Iturbe, nahiz eta lokalaren kudeaketa hiruzpalau lagunek eraman duten, tartean Yago Gasconek berak. Datorren abenduan bost urte beteko lituzkete lokalarekin, baina asteburuko kontzertuarekin agur esatea erabaki dute. Irailetik aurrera, denboraldi berrian, badirudi Arrasateko bertako gazte batzuek izango dutela lokalaren ardura. Ikusi egin beharko da zer-nolako ibilbidea hartzen duen 3.60 aretoak. Bien bitartean, ibarreko beste musika aretoen eta gaztetxeen eskaintzari eutsi beharko diote musikazaleek.
Nork: Maider Arregi.2009/06/26 12:39:33.773 GMT+2
Etiketak:
3 60_aretoa
| Permalink
| Erantzunak (0)
| Errenferentziak: (0)
2009/06/26 08:13:59.923 GMT+2
Michael Jackson hil da
Pop-aren erregea atzo hil zen Los Angelesen bihotzekoak jota. Michael Jacksonek 50 urte zituen. Hemen duzue Jacksonen bideo adierazgarri eta garrantzitsuenetarikoa ikusgai: Thriller.
Nork: Maider Arregi.2009/06/26 08:13:59.923 GMT+2
Etiketak:
michael_jackson
| Permalink
| Erantzunak (0)
| Errenferentziak: (0)
2009/06/26 08:04:09.110 GMT+2
Ekon, Bitter Honey eta Los Galerna San Juanetan. Elkarrizketa
Gaur, ekainaren 16an, Arrasateko San Juan jaien barruan, kontzertu borobila izango da Monterroenen. 22:00etan haista Arrasateko hiru talde igoko dira taula gainera: Ekon, Bitter Honey eta Los Galerna. Hemen duzue entzungai Ekoneko Yago Goronategiri Arrasate Irratiak egindako elkarrizketa.
Nork: Maider Arregi.2009/06/26 08:04:09.110 GMT+2
Etiketak:
san_juanak
ekon
bitter_honey
| Permalink
| Erantzunak (0)
| Errenferentziak: (0)
