Danbaka - Albisteak

Txapa Irratiak antolatuta, martxoaren 19an, Bizardunak eta Les Faboulosers taldeek kontzertua eskainiko dute Bergarako Gaztetxean, 22:30ean hasita.

Bizardunak - nazi de fresa

Talde gehiago konfirmatu berri dituzte Azkena Rockeko antolatzaileek: Hala, Bob Dylan, Bad Religion, The Hold Steady, Audience eta Bronze taldeak ere hartuko dute parte jaialdian, besteak beste. Esan, Drive By taldea ez dela Azkenan izango Europako  bira bertan behera utzi duelako.

Hau da, oraingoaz, 2010eko Azken Rock jaialdiko kartela:

Osteguna, ekainak  24
GOV´T MULE
AIRBOURNE
THE HOLD STEADY
KITTY, DAISY & LEWIS
THE BLACK LIPS
THE JIM JONES REVUE
THE LEGENDARY SHACK SHAKERS
BASKERY
BRONZE

Ostirala, ekainak 25
KISS
THE DAMNED
IMPERIAL STATE ELECTRIC
THE SAINTS
TEDDY THOMPSON
IMELDA MAY
DAN BAIRD & HOMEMADE SIN
EL VEZ
THE RUSSIAN ROULETTES
THE HOT DOGS!
'77

Larunbata, ekainak 26
BOB DYLAN
THE HIVES
CHRIS ISAAK
BAD RELIGION
NRBQ - Terry Adams Rock 'n' Roll Quartet
TOILET BOYS
MAGGOT BRAIN
AUDIENCE
Bob Dylan - Subterranean Homesick Blues

Martxoaren 19 eta 20rako, kontzertu borobilak antolatu ditu 3 aretoak. Besteak beste, Hamlet, Infernoise, UEk edota The Wet Band taldeen emanaldiez gozatzeko aukera izango da:

Martxoaren 19, ostirala, 23:00

Martxoaren 20, zapatua, 23:00

- Hamlet

- Infernoise
Hamlet - Imagine

Goierriko talde eta bakarlariekin, Ordiziako gaztetxeak diskoa kaleratuko du 25. urteurrena ospatzeko.  Animatzen direnak Beasain eta Lazkaoko entsegu lokaletan dute izena emateko aukera. Gaztetxeak adierazi du, kantuak grabatuta ez dituztenei, espreski diskarako kantuak grabatzeko aukera ere emango diela. Helbide elektroniko bat ere jarri dute martxan informazio gehiago jasi nahi dutenendako: 25urte@gmail.com 

Ez da lehen aldia talde honek sekuentzia bakarreko bideo harrigarria egiten duena. Here it goes again ere gogoangarria da: koreografia landuagorik zaila asmatzen, entrenatzeko zortzi zintza ibiltari erabolita. Hain zuzen ere, bideo berrian honen pasarte bat ere ikusten da txikitzen duten telebista batean.

Iturria: Sustatu.com

Anger talde arrasatearraren  'Sedukzioaz' lana webgunean doan jaisteko aukera duzue.

ANGER “SEDUKZIOAZ” (MH62)

Badira talde asko ahalegintzen direnak
etengabe hedabideak eta entzuleak
seduzitzen kontzertu asko eginez, urtero
diskoak kaleratzen eta entzule potentzialek
gustuko izango dituzten hitzak idazten.

Arrasateko Anger taldeak, berriz, lan egiteko
beste modu bat dauka. Taldekideek pasiotzat
dute musika eta taldea, baina nahiago dute
horretarako denbora eta motibazioa dutenean
gogor ekitea, nahiz eta tartean denbora
dezente pasa eta inork taldea “ahazteko”
arriskua izan; berdin die horrek. Are gehiago,
hitzak idazterako orduan, pentsatzen
dutenarekin kontsekuenteak dira eta ez zaie
axola bidaia kideak galtzea. Hala, aurreko
“Biluztu” diskoan itzelezko autokritika egin
zieten euren buruei eta orohar Euskal Herriko
gazteriari, beste inork egin ez duen moduan.

Lan berri honetan ere gizakion papera, jarrera
eta kritikotasun eza dute jomuga; zein errez
engainatzen gaituzten guk artaldean eutsi eta
gainera ederto gaudela pentsa dezagun.
“Pentsatzen duen herria ez da inoiz hilko”,
gehituko nuke neuk.

Baina ezin ahaztu, hausnarketa eta jarrera
hori guztia musikaz jantzita datorrela.
Arrasateko laukoteak pauso bat haratago
eman du eta lan bikaina kaleratu. Bikaina,
zergatik? Bada, urteak ez direlako alperrik
pasa eta horiek ondu egin dutelako taldea:
Iban eta Ekainen erritmo oinarri apurtezina;
Beñat guitar-killer ikaragarria; eta, taldeari
glam ukitu emateaz gain, estilo berezia eta
ahots erregistro aberatsa daukan Arkaitz
abeslari geldiezina.

Bestalde, iragan metaleroa ez dute erabat
alboratu, baina askoz soinu eta estilo
gehiagotara zabaldu dira, kantuak
borobiltzerako orduan: horra hor, post-
hardcoreak daukan tenpo, giro eta iluntasun
ezaugarriak barneratu izana; rockarenganako
gero eta gehiago erakusten duten “simpatia”;
metal erritmoen irmotasuna; rapeatuak;
hardcorearen urgentzia; eta stonerraren
sakontasuna, besteak beste. Gainera,
taldearen marka den aurreiritzi ezarekin,
badira baita pop-rock edo sanba pasarteak
ere.

Esandako moduan, Anger taldeak tamaina
aurkitu dio konposizioari eta emaitzari; eta
nahiz eta seguruenik diskoetxe askorekin lan
egiteko aukera izan, nahiago dute
Musikherriarekin lan egin eta beste behin
Copyleft-en aldeko hautua egin, euren
jarrerarekin bateragarriena delako.

Iker Barandiaran.

Mondragon Unibertsitateko Enpresagintza Fakultateak, ETEOk 50 urte bete ditu aurten; urteurrena ospatzeko antolatutako ekitaldien artean kontzertu indartsua egingo du apirilaren 23an. MTV Europe sarietarako izendapena lortu duen We are Standard taldea ikusi ahal izango dugu Oñatin. Horrez gainera, Malenkonia eta Potemkin talde oñatiarrek disko berriak aurkeztuko dituzte herrian bertan.

Iazko Danbaka lehiaketako saridunek diskoak aurkeztu zituzten atzo Donostian. Epaimahaiaren sari nagusia eta ikusleena eskuratu zuen The Wet Band mutrikuarrak Waterproof diskoa kaleratu du eta bira hasi; hain zuzen, Arrasaten izango da hilaren 19an. Debagoienako talde onenaren saria eskuratu zuen Adi Holdenek, ostera, izen bereko diskoa kaleratu du.

Bitter Honey talde arrasatearrak lehen lana kaleratu du, Songs Of love & destruction. Hard rock klasikoa egiten duten arren, diskoan influentzia ezberdinak dira nagusi. Izan ere, Led Zeppelin, Grand Funk Railroad, Black Sabbath, The Who edota Motorhead talde mitikoetatik edan dute. 2008an eman zuten lehen kontzertua eta harrez gero ez dira gelditu. 2009ko maiatzean Urdulizeko Tio Pepe estudioetan grabatu zuten diskoa. Grabaketa saio guztiak, taldearen benetako soinua ahalik eta fideltasun handienarekin jasotzeko, zuzenean grabatuz egin ziren. Abestiak urria eta azaroa bitartean nahastu eta masterizatu ditu Dani Ulecik, Atarrabiako (Nafarroa) estudioan. 2010 urtean zehar euren lehen lana aurkeztuko dute, Songs of Love & Destruction.Diskoa, 9 kantaz osatuta dago eta salgai duzue 5 eurotan Debagoieneko tabernetan:
Arrasate: alde zaharreko tabernetan
Oñati: Aker
Aretxabaleta: Txiki
Bergara: Etxagi
Eskoriatza: Inkernu 

Arrasate Irratian eskainitako elkarrizketa

Azkaiter peloxek (Unai Azkarate, Mahaster River) bere lehen diskoa grabatuko du. Zuzenean grabatuko du, gainera. Bi egunetan. Gaur 20:00etan, Bergarako Laino skate gunean eta zapatuan, Orioko Kalakari tabernan.

Road band berezia

Okasiorako road band bat osatu du eta, hala, bateria eta baxu jotzaile bana izango ditu lagun: Mikel Ilarduia Xarti, Aby Kem taldeko gitarra jotzailea izango da bateria jotzailea eta Eñaut Martí oriotarrak joko du baxua. Horiez gain, Amaia Azpiazuk (ahotsa), Raul Lozano Pikillo-k (gitarra eta ahotsa), Ebert Sanchezek (harmonika), Fernando Laskurainek (Mahaster River, gitarra) eta Asier Elortzak (Belceblues, tronpeta) ere parte hartuko dute. Unai Azkarateren asmoa da Bergarako jaietarako diskoa kalean izatea.
Mikel Ilarduia Xarti eta Aimar Intza ariko da teknikari lanetan, zuzenekoa grabatzen eta ondorengo nahasketa eta masterizazio lanetan.

22 abesti

Unai Azkaratek eta beste taldekide eta kolaboratzaileek 22 abesti entseatu dituzte azkenaldian. Horiexek joko dute zuzenekoetan. Abesti horien artean badaude beste talde batzuen moldaketak, baina 10 bat dira Unai Azkaratek berak sortuak, gehienak berriak, baina bat edo beste Mahaster Riverrekin jotzen dituenak ere bai.
Unai Azkaiter Pelox-ek zuzenekoaren bat-batekotasuna, xarma eta berotasuna islatu nahi ditu bere bakarkako lehen diskoa izango den honetan.