Iaz Beloki (bateria jotzailea), Ibon (abeslaria) eta Mikel (gitarra jotzailea) elkartu eta diskoa prestatzen hasi ziren Zarauzko Fidelenea estudioan, oraindik baxu jotzailerik ez zeukatenean. Mikelek grabatu ditu baxuak diskoan.
Dagoeneko grabazioa bukatuta dago. Diskoaren izena "Terapia" izango da eta 13 kantu izango ditu. Kazalisek honako hau azaldu digu: "Abiadura apurtxo bat gutxitu dugu. Ez asko, lasai egon. Baina kantuek intentsitate handia daukate. Are gehiago, honako hau da gehien landu dugun diskoa, horretarako denbora hartu dugu-eta".
Diskoa grabatu ostean, baxu jotzailea aurkitu dute. Aurrerago ere Anestesia taldean aritutako Dani da.
Diskoa Tolosako Bonberena Ekintzak-ek kaleratuko du azaro aldera eta CD formatuan argitaratuko dute soilik.
Kontzertuei dagokionez, jakinarazi digute asmoa dela azaro bukaeran kontzertuak egiten hastea.
Idatzi artikulu bat