Danbaka - Albisteak

Bilbo aldeko Atom Rhumba taldea disko berria prestatzen dabil Garate estudioetan. Oraingoan ere Kaki Arkarazo aukeratu dute soinu teknikari lanak egin ditzan. Disko hori Oihuka diskoetxeak kaleratuko du.





Hortaz, taldeak Madril eta Santurtzi artean banatuta dagoen Munster Records diskoetxea utzi egin du. Diskoetxe horrekin kaleratu ditu orain arteko lan ia guztiak: "Hormonal riot", "Dirt shorts", "Chasin´ the onagro", "Backbone ritmo" eta "Concrete mixer" lan luzeak, eta hainbat Ep, hain zuzen ere.

Atom Rhumba taldekoek jakitera eman dute disko berriak hamabi kantu izango dituela; horien artean, dagoeneko zuzenean jotzen hasi diren"Stand up!", "Overproof" eta "Home made prozac" besteak beste.