Danbaka.com

albisteak mp3ak bideoak Goiena

2008/07/04 10:35:06.417 GMT+2

Brutal Melody taldea itzuli da

Arrasateko Brutal Melody taldea agertoki gainera itzuliko da hilabete honen bukaeran; hortaz aspaldiko zurrumurrua konfirmatu egin dute euren myspacean: uztailaren 25ean kontzertua egingo dute Arrasateko 3.60 aretoan Anger taldearekin batera.



Brutal Melody taldeak thrash, death eta metalaren arteko nahasketa bat egiten zuen, eta 1994tik 1999ra bitartean kontzertu asko egin zituen. Orduan honako lagunek osatzen zuten taldea: Aner, Txemi, Pako, Juanra eta J.Odolak.

1996an "Mundu faltsua" izeneko maketa argitaratu zuten; eta 1998an, "20 minututako biolentzia" mini-CDa DDT argitaletxearekin elkarlanean.

Are gehiago, 1999an Bilbo Hiria musika lehiaketa ospetsuko irabazleak izan ziren, baina sari moduan zuten diskoa ez zuten grabatu, eta taldea bertan behera utzi zuten.

Gaur egun taldea honako lagunek osatzen dute: Aner, Otuto (Numen), Pako, Jimmy (Soziedad Alkoholika) eta J.Odola.

Nork: Iker.2008/07/04 10:35:06.417 GMT+2
Etiketak: thrash metal brutal_melody arrasate | Permalink | Erantzunak (0) | Errenferentziak: (0)

Idatzi artikulu bat





Please answer this question to add your comment



Bisitak blog guztietan: