Danbaka - Albisteak

Urriaren 17an hasiko dira Danbakako kontzertuak eta gaur egin dute kontzertuon aurkezpen ofiziala Espaloian. Bertan izan dira Kutxako Kultura, Aisia eta lankidetza sailaren arduradun Mikel Irizar, Mondragon Unibertsitateko idazkari nagusi Idoia Peñakoba, Espaloia Kafe Antzokiko arduradun Samu Gorrotxategi eta Danbaka lehiaketako koordinatzaile Iker Barandiaran. Kontzertuetako datak ematearekin batera eta egun bakoitzean zein taldek joko duten esan dute. Era berean, aurtengo Danbakako kamisetak aurkeztu dituzte.

Kontzertuak

Kontzertu guztien berri duzue albiste honetan.

Sarrerak salgai:

• Non eskuratu? Goienako egoitzetan, Espaloian edo 943 25 05 05 telefonoan.
• Sarrera: 5 € - Gaztekutxa txartelarekin:  3 €
• Abonua: 25 € - Gaztekutxa txartelakin: 18 €
  

Danbaka kamisetak

Bi modelo eta bi kolore daude neska eta mutilendako. Prezio eta aukera desberdinak daude. Espaloia Kafe Antzokiko kontzertuetan egongo dira salgai.

Sariak eta babesleak

• Gaztekutxa Sari nagusia: lehiaketako talde onenak disko bat grabatuko du. Arrasateko Shot! grabazio estudioan eta Danbakak eta Gaztelupeko Hotsakek kaleratuko dute.
• Mondragon Unibertsitatearen saria Debagoieneko onenari: Debagoieneko talde onenak disko bat grabatuko du Arrasateko Shot! grabazio estudioan eta Danbakak eta Gaztelupeko Hotsakek kaleratuko dute. 
• Lazkano musika dendak Ikusleen saria: ikusleek aukeratutako taldeak 1.300 euroko bonoa izango du Arrasateko Lazkano musika dendan gastatzeko.