Danbaka - Albisteak

Arrasateko Des-Kontrol taldeak lan berezia izango du kalean datozen egunetan. "Hipokrisia eta faxismoaren aurka" izenpean sei abestiko CDa grabatu dute kolaborazio ugarirekin.

Lan horren helburua da aspaldian batez ere Bilbo aldeko skinhead batzuen aldetik faxistak direnaren akusazioei eta boikot saiakerei erantzutea.



CD honetan arrasatearren "Duintasunez eutsi" kantu zaharra, bi abesti berri eta hiru bertsio batu dituzte.

Ingalaterrako The Specials taldeak idatzi eta Stiff Little Fingers eta Kortatuk bertsioneatutako "Hay algo aquí que va mal" da horietako bat. Bertan Fermin Muguruzak esku hartu du.

Bilboko MCD taldearen "No hay sitio para ti" kantuan, berriz, MCDko Nikok, Anarko taldeko Podrik, Etsaiakeko Iñigitok eta beste batzuk esku hartu dute.

Eta Hertzainak taldearen "Pakean utzi arte"-n Barricadako El Drogas eta Uek-eko Keu aurki ditzakegu.



Hala ere, kolaboratzaileen zerrenda oso luzea da: Xabier Silveira, Gari-Hertzainak, Aitor Lopez Rekarte, Jul-Rip, Porrotx, Realeko Mikel Gonzalez, Eñaut Zubikarai eta Jon Ansotegi, Athleticeko Iñigo Velez de Mendizabal eta Mikel Balenziaga, Dieguillo (Antisocial, Fernando-Sapo (Kuraia), Xabi eta Aguayiko (Kaotiko), Fermin Muguruza, Niko-MCD, Podri-Anarko eta Iñigito (Etsaiak), besteak beste.

Disko hau Baga-Biga diskoetxeak kaleratuko du, eta abenduaren hasieran aurkeztuko dute.