Danbaka - Albisteak

Eibarko EH Sukarra taldeak asteburu honetan jarriko du zuzeneko diskoa salgai. Taldeko abeslari Mikel Gorosabel "Norton"-en Nortonklub proiektuaren lanak argitaratzeko sortutako Barne Records diskoetxeak kaleratuko du, eta asteburuan Gara egunkariarekin salduko dute Euskal Herriko kiosko guztietan.



2007ko maiatzaren 11n Durangoko Plateruena Kafe Antzokian emandako kontzertua grabatu zuten Aitor Ariño eta Aitor Gorosabelek. Horren ostean, Berrizko Lorentzo Records estudioan egin zituzten nahasketak.



Laster 20 urte beteko ditu Eibarko taldeak, eta tarteka isilago egon badira ere, ez dute inoiz jotzeari utzi. Honako hau, euren diskografiako lehenengo zuzenekoa izango da.