Danbaka - Albisteak

Iruñeako El Columpio Asesino Txinara doa maiatzaren 1etik 4era bitartean. Laster kaleratuko duten "La gallina" diskoa aurkeztuko dute Pekinen eta Shangaien, MIDI jaialdiaren baitan. Bira hori egiteko Cervantes Institutuaren laguntza izan dute.



"La Gallina" iruindarren hirugarren lan luzea da, eta maiatzaren 5ean Espainian, Mexikon eta Portugalen kaleratuko dute, Astro diskoetxearen eta PIASen bitartez.



Bestalde, apirilaren 19an El Columpio Asesinori 2007ko Nafarroako musika talde onenetarikoaren saria emango diote Atarrabiako Totem musika aretoan egingo duten Nafarroako Musikaren Sarietan.