Danbaka - Albisteak

Lekeitioko Etsaiak taldeak eszenatokiei agur esateko asmoa dauka. Urriaren 21ean eta 28an bi emanaldi egingo ditu, eta baliteke azkenak izatea. Hortaz, talde hori zuzenean ikusteko interesa dutenek hobe dute emanaldi horietara jotzea.

Urriaren 21ean Senperen arituko dira, eta urriaren 28an, berriz, Irurtzungo Pikurrock jaialdian.



Euskal Herriko hardcoreari eta metalari astindu ederra egin zion Lekeitio talde hori 80ko hamarkada bukaeran jaio zen. 90eko hamarkadan, berriz, arrakasta dezente izan zuen eta hainbat disko kaleratu zituen Esan Ozenki diskoetxearekin.

Hamarkada horren bueltan atsedena hartzea erabaki zuten eta taldeko partaideek beste proiektu batzuei ekin zieten. Hala nola, Fjord, Pin Pan Pun Band, Nok eta beste batzuk.