Inoren Ero Ni taldearen "Gronhölm" izeneko bigarren lana kalean dago dagoeneko.
Bidehuts ekimenak kaleratu du euskarri bikoitzean: biniloan eta CDan. Sei kantu ditu bakarrik, baina
Metak-ekin kaleratu zuten lan post-hardcoretik neurri baten urrundu dira. Orain melodikoagoak dira eta agian
martzianoagoak; are gehiago, lan honetan mafiaren gaineko balada
desgarradore bat idatzi dute gazteleraz, baina erritmo bizi eta aldakorrak marka nagusi dira oraindik.
Inoren Ero Ni
Bap!-en errautsetatik jaiotako taldea da. Berau talde bereko Eneko eta Mikel Abregok osatzen dute, Hotel-eko Borja eta
El Hombre Burbuja taldean aritutako Marianorekin batera. Marianok Bap!-eko Drake ordezkatu berri du.
Taldekideak beste hainbat proiektutan murgilduta daude (
Anari, Hotel...), baina sasoi honetan indar guztiak Inoren Ero Ni taldeari eman nahi dizkiote.
Idatzi artikulu bat