Danbaka - Albisteak

Zurrumurru asko zabaldu dira, eta badirudi egia dela: aurten Metalway jaialdi erraldoia Donostian egingo dela; eta uztailaren 12an Iron Maiden taldea izango dela bertan.



Horrez gain, egun horren bezperan,  uztailaren 11n, Iron Maidenek Meridako (Badajoz) Via de la Plata izeneko jaialdian esku hartuko du. Horiek izango dira talde ingelesak Espainiako Estatuan egingo dituen emanaldi bakarrak.

Bi kontzertu horiek "Somewhere back in time world" izeneko nazioarteko biraren barruan egongo dira.



Metalway jaialdiak bi edizio ospatu ditu orain arte, eta biak Gernikan egin zituzten: 2005ean eta 2006an. Iaz, berriz, ez zuten jaialdirik antolatu.

Horren gaineko berri gehiago eduki bezain laster, jakinaraziko dizkizuegu.