Danbaka - Albisteak

Internet bidez eta doan lortu ahal izango da Keu Agirretxea musikariaren disko berria. 10 abestik osatuko dute lan berria eta grabatu ala bata bestearen atzetik zabalduko ditu sarean.  Lehenengo abestia, Zuregana abiatzen naiz dagoeneko eskuragai dago; www.myspace.com/keuagirretxea

Hilero abesti bana zabaltzea da asmoa, urtarrilean hasi eta urria bitartean. Abesti bakoitza eskuragarri ipiniko da www.keuagirretxea.com eta www.hotsak.com webgunetan. Gainera,  grabazioari buruzko berriak www.myspace.com/keuagirretxea-ren blogean jarraitu ahal izango dira testu, argazki, audio eta bideoaren bidez.

2010eko azaroan kaleratuko da, kopuru mugatuan, kantuok jasotzen dituen CD bilduma. Donostiako Dokan eta Durangoko Plateruena antzokian eskainitako kontzertuen grabazioa, DVD formatuan, gehituko zaio CD bildumari.

KEUren berezko jarraitzaileei zuzendua da produktu berria, soinu kalitate handienean egina, diseinu oso zainduarekin, eta gainera taldearen abesti akustiko onenak biltzen dituen CD/DVD-a izango du eskuragarri nahi duen orok