Danbaka - Albisteak

Martxoaren 22an, eguena, punkaren eta Oi!aren sorrera berbagai izango dute Arrasateko gaztetxean, 19:00etan. Horretarako, RIP taldeko Txerra, Puñetazo taldeko Porru, eta garaiko Euskal Herriko musika taldeetako beste protagonista batzuk izango dira berbetan.



AEDk antolatu du mahainguru hori, eta "Hitz egin dezagun musikaz" izeneko programaren barruan dago.

Orain arte egindako beste mahainguru eta liburu aurkezpenez gain,  hilaren  27an Paddy Rekalde idazleak "The Clash, punk, rock-and-roll reggae matxinada" liburua aurkeztuko du toki eta ordu berean.