Danbaka - Albisteak

Su Ta Gar talde beteranoa "Une iraunkorrak" izeneko DVDa prestatzen dabil egunotan, eta eibartarren asmoa da Gabonak aurretik kaleratzea.

 

DVD horretan "Jainko hilen uhartea" diskoa kaleratu zutenetik gaur egunerarte "bizi izandako momentu eta sentsazioak" batu dituzte.

Hain zuzen ere, DVDan ikusi ahal izango dira: Bilboko Aste Nagusian Botica Viejan egindakoa; urte hasieran Eibarko kiroldegian emandakoa; eta urriaren erdialdean Iruñeako Anaitasunan egindakoa.

Horretaz gain, Juanma Bajo Ulloarekin grabatutako bideokliparen eta grabazio estudioko lanen making off-ak; eta beste sorpresa batzuk batuko dituzte.

DVD hori taldeak berak kaleratuko du, Jo Ta Ke zigiluaren bitartez.

Horrez gain, Su Ta Gar-eko lagunek 2008rako egutegia prestatu dute, taldearen argazki dotoreekin. Hori ere eskuragarri egongo da Durangoko Azokan eta baita taldearen webgunean.