Eskoriatzako gaztetxean egoten diren gazteek antolatu dute jaialdia "Gaztetxe hobe baten alde" lelopean. Udala, Gazte Asanblada eta gaur egun gaztetxean dauden gazteak ados daude gaztetxearen, lehengo mojen zinemaren, eraikinaren egoera kaskarra dela. Are gehiago, eraikin hori hainbat etxebizitzei itsatsita dagoenez, zarataren erruz bizilagunek hainbat kexa egin izan dituzte.
Arrazoi horregatik, Eskoriatzako Udalak gaztetxea beste eraikin baten egokitu gura du, eta gaztetxean dauden gazteei galarazi diete eraikin horretan kontzertuak egitea.
Gazteek jaialdi hori gaztetxetik kanpo egitea erabaki dute, eta jaialdian etekinik izango balute, diru hori etorkizuneko gaztetxeko lanetarako eman gura dute.
Madrilgo La Broma de Ssatan da jaialdiko talde ezagunena. 1978an sortu zuten eta Espainiako Estatuko punk mugimenduan zeresan handia izan du.
Idatzi artikulu bat