Danbaka.com http://www.danbaka.com/tag/danbaka Danbaka.com EL DOGHOUSE EUSKADIN! http://www.danbaka.com/5twisters/el-doghouse-euskadin ]]> loscretinos des-kontrol doghouse magnificent7 5twisters http://www.danbaka.com/5twisters/el-doghouse-euskadin#comments twister Fri, 02 May 2008 21:45:22 +0200 Bosgarren kontzertuaren gaineko iritziak eta argazkiak http://www.danbaka.com/albisteak/bosgarren-kontzertuaren-gaineko-iritziak-eta-argazkiak Bosgarren kontzertuko argazkien bilduma.

Inalectrik / Aretxabaleta

Inalectric
Musikariak esana / Ekain Zubizarreta > Anger taldea
"Soinua ez du alde izan eta horrek ez dio askorik lagundu. Entzuteko atsegina den musika egiten du hark, baina ezer berririk ekarri barik."

Ikusleek esana > Eneko Azpillaga
"Gustuko ditut bakarlariak, eta Inalectrik gustatu egin zait. Planteamendua oso klasikoa  izan da, ondo aurkeztu ditu abestiak eta, gainera, ondo egindakoak iruditu zaizkit. Taldeak ere asko lagundu du, ze indarra eman baitiote eta hasierako tarte akustikoan zeukan grina falta eman diote bateria-jotzaileak eta baxu-jotzaileak."

Kazetariak esana > Jon Berezibar        
"Soinu gorabeherak alde batera utzita abestiak konposizio aldetik ondo zeuden eta osatuak zirela iruditu zait. Taldea ere ondo ibili da eta kontzertu ona egin dutela iruditzen zait. Agian ahotsa batzuetan laua egiten zen, baina estilo kontuak dira horiek."

Bakarlariak esana
"Hasieran akustikoarekin irten naizenean urduri nengoen, baina gero lasaitzen hasi eta ondo joan da. Taldea sartu denerako kontrolatuta zegoen eta benetan arin joan da guztia. Gustura egon garela uste dut."

Little, Little Much / Arrasate

Little Little Much
Musikariak esana / Ekain Zubizarreta > Anger taldea
"Freskoa iruditu zait taldea, gustura egon naiz entzuten. Hasieran, abestiak landugabeagoak ziren, baina bukaeran jo dituztenak onak ziren . Freskotasuna iruditzen zait azpimarragarriena."

Ikusleek esana > Eneko Azpillaga
"Talde hau gehiago gustatu zait jarreraz musikaz baino, baina susmoa daukat gehienetan garrantzitsuagoa dela lehena bigarrena baino. Gazteak dira eta itxura ona du egiten dutenak. Musikarekin pauso bat gehiago eman beharko lukete, ze originalak baitira."

Kazetariak esana > Jon Berezibar
"Pena da taldeak entseatzeko denbora laburra izatea, ze kontzertua ez baita txarto egon, talde ona dela uste dut, nahiz eta oraingo honetan guztiz frogatu. Taldeak badaki eszena gainean egoten, biziak dira  eta nortasuna daukate, eta taldea asko gustatu zait. "

Taldekideek esana
"Denbora nahikotxo da ez dugula elkarrekin  entseatzen eta alde horretatik nahiko ondo atera zaigula uste dugu. Entseatzeko ere asti laburrarekin ibili gara, baina azkenean ez da hain txarto atera. Gu, behintzat, gustura ibili gara."

The 5 Twisters / Arrasate

The 5 Twisters
Musikariak esana / Ekain Zubizarreta > Anger taldea
"Eszenaratze benetan ona daukatela iruditu zait. Oso ondo jo dute eta asko gustatu zait. Hala ere, musika ez da ezer berria,  aspaldiko gauza baten erreprodukzioa izan da; sorkuntza aldetik huts hori daukate."

Ikusleek esana > Eneko Azpillaga
"Asko gustatu zait kontzertua, benetan ondo jo dute, horrek ez du bueltarik. Gustu handiarekin jo dute eta proposamen landua dela argi geratu da. Eszenatokia bete egin dute. Erabatekoa izan da, beraz, egin dutena".

Kazetariak esana > Jon Berezibar
Emanaldi onena izan da eurena: bai eszenaratze aldetik, bai musika aldetik, baita erritmo aldetik ere. Huts bakarra: originaltasun falta, entzunegia da egiten dutena. Hala ere, horrek ez du kentzen kontzertu ona egin eta ikuskizun are hobea eskaini izana".

Taldekideek esana
"Oso ondo joan da, oso gustura ibili gara eta berehala berotu gara. Aurretik kontzertuak egin ditugu eta nahiko prestatuta etorri gara; behintzat, segurtasunarekin irten garela ikusi ahal izan da. Soinua ere ona izan da."

Anal Bag / Arrasate

Anal Bag
Musikariak esana / Ekain Zubizarreta > Anger taldea 
"Proposamen ausarta da haiena. Guztiz absurdoa, eta absurdotasun horretan bizi dugun mundu honen isla egiten dute. Gauza asko ikusi dira, irudiak ere lagun izan dituzte, gogorrak askotan, baina ispilu moduan balio dutenak. Planteamenduak berak agian ez du zentzurik, baina osotasunean funtzionatu egin du."

Ikusleek esana > Eneko Azpillaga
"Antza ez dut txistea ulertu, ze ez baitzait gustatu. Musika baloratu behar badut, ez dit graziarik egin eta ikuskizuna zertxobait doakoa iruditu zait."

Kazetariak esana > Jon Berezibar
"Dibertigarria izan da, baina musikarengatik? Proiekzioengatik? Haien jarrerarengatik? Forma gustatu egin zait, baina gisa horretako proposamenak aztertzeko disekzionatzen badira, berez duten balio probokatzailea galtzen dute. Musika ez zait gustatu."

Taldekideek esana
"Oso gustura ibili gara eszenatoki gainean. Gu benetan dibertitu gara, jende asko egon da aurrean eta ez genuen espero erantzun hori, ze normalean Danbakan jendea urrutiago ipintzen baita. Jendea animatuta, baita gu ere, eta ondo atera da."
]]> danbaka2 iritziak inalectrik 5twisters kronikak little-little-much anal-bag danbaka kontzertuak http://www.danbaka.com/albisteak/bosgarren-kontzertuaren-gaineko-iritziak-eta-argazkiak#comments Asteleheneko Goienkaria Mon, 18 Dec 2006 18:03:14 +0100 Proposamen klasikoak ausartenen aurrean http://www.danbaka.com/albisteak/proposamen-klasikoak-ausartenen-aurrean
Inalectrik atera zen lehena Espaloiko eszenatokira. Gitarra akustikoaz lagunduta, lasai antzean ireki zuen gaua aretxabaletarrak. Sarrera akustikoa egin eta gero gehitu zitzaizkion laguntzera joandako baxu eta bateria jotzaileak. Rock abesti ondo konposatu eta jantziak aurkeztu zituen Inalectrikek eta errepertorioan aurrera egin ahala gorputza hartu zuen poliki-poliki hark eskainitakoak.

 Patxada osoz hasieratik agertu zirenak Little, Little Muchekoak izan ziren. Hondartzarako aulkietan jarrita agertu ziren ikusleen aurrean. Txantxak alde batera utzita, baina, taldearen ikurra oholtza gaineko freskotasuna izan zen. Tamalez, antza entsegurako aukera gutxi izan du taldeak eta, gainera, abeslaria gaixorik zegoen; gitarra-jotzaileak abestu zuen. Hirukoteak, hala ere, ez zuen txarto egin egubakoitzekoa.

Neurri handi baten, The 5 Twisters arrasatearrek eman zioten erritmoa gauari.  Talde trinkoa eta teknikoki fina da.  
Eta amaitzeko Anal Bag. Euren saltsa elektropornogrindcore horrekin, ahosabai guztiendako egina ez dagoen proposamena ekarri zuten. Eurak saltsan gustura eta, antza, ikusleak ere ez ziren kexatu.

Finala hiru aste barru

Azaroaren 3koa izan zen izarren gaua, orduan jo zuten-eta hiru talde finalistek. Epaimahaiak adierazi duenez, aurten aurrekoan baino zailago izan dute hiru taldeak aukeratzea, "modu esanguratsuan inor nabarmendu ez delako", eta sei bat talderen artean ibili dira zalantzatan. Azkenean, aipatutako hiru taldeak aukeratu dituzte eta urtarrilaren 12an erakutsi beharko dute berriz zertarako gauza diren. Hiru taldeek 30 minutuko emanaldia egin beharko dute. Talde gonbidatua ere egongo da: Kerobia eta hainbat gonbidatu berezi egongo dira finalean eta egun horretan bertan jakinaraziko dute zein den txapelduna. Bakarlari onenaren saria norentzat izango den ere finalean argituko dute. Bakarlari onenak Azkena Rock jaialdirako bi lagunendako abonua eta bi hotel gau irabaziko ditu. Gainera, Danbakak hainbat kontzertu lotuko dizkio bakarlari irabazleari. ]]> danbaka2 inalectric 5twisters kronikak little-little-much anal-bag danbaka kontzertuak http://www.danbaka.com/albisteak/proposamen-klasikoak-ausartenen-aurrean#comments Jon Berezibar Mon, 18 Dec 2006 17:54:27 +0100 The 5 Twisters http://www.danbaka.com/albisteak/5-twisters Nongoak? Arrasate.

Nortzuk osatzen dute? Jokin Vitoria (ahotsa), Jagoba Domingo (gitarra), Joseba Heriz (gitarra), Beñat Osinaga (bateria), Xabi Gorostidi (baxua).

Noiz hasi ziren? 2004an hasi ziren jotzen eta dagoeneko maketa
bat grabatu dute.

Musika estiloa? rock-and-rolla.

Hizkuntza? Gaztelania.

The 5 Twisters

Dominio salvaje



Mi pesadilla



The twister






Hemen Arrasate Irratian egindako elkarrizketa:
powered by ODEO ]]> danbaka2 lehiaketa 5twisters mp3 http://www.danbaka.com/albisteak/5-twisters#comments Danbaka Tue, 27 Sep 2005 17:03:09 +0200