Danbaka.com

Kerobia hasi da kantu berriak zuzenean aurkezten

Iker — Tue, 06 May 2008 10:34:50 +0200

Iruñeako Kerobia taldeak kantu berriak prest ditu dagoeneko. "Materia organikoa eta gainerakoak" izenpean, trilogia berri baten lehenengo zatia grabatu dute: bost kantu, 20 minutuko iraupenarekin.

Internetetik jaisteko moduan jarri dituzte bost kantuok eta baita "Asteroideen antzokian artista eraila" kantuaren bideoklipa ere. Modu berean, web berria estreinatu du taldeak.

Kantu horiek disko baten ere batuko dituzte, eta Gor diskoetxeak zabalduko du Euskal Herriko eta kanpoko saltokietan.

Honako hauek dira datozen asteotan egingo dituzten kontzertuak:

-Maiatzaren 9an, Lauroba taldearekin, Zornotzako Idaba Musiken.
-Maiatzaren 16an, Lauroba taldearekin, Gasteizko People aretoan.
-Maiatzaren 23an, Jone bakarlariarekin, Donostiako Kafe Antzokian.
-Ekainaren 6an, Gallartako plazan.

Kerobiak disko berria kaleratuko du apirilean

Maider Arregi — Tue, 26 Feb 2008 09:39:25 +0100

Materia Organikoa eta gainerakoak jarri dio Kerobiak disko berriari izena. Apirilean aterako duten lan berria eta aurrekoa bezala, kontzeptuala izango da. Gainera, Asteroideen antzokian artista eraila abestiaren bideoklipa ere diskoarekin batera aurkeztuko dute. Bideoklipa Vigon grabatu dute Lohitzune Sistiagaren zuzendaritzapean.

Diskoa nola doan jakiteko xehetasun guztiak Kerobiaren blogean duzue informazio guztia.

Hemen duzue abesti berriaren aurrerapena

Heldu da finala

danbaka — Fri, 12 Jan 2007 13:49:04 +0100

Heldu da askok espero zuten eguna. Urtarrilaren 12an lehiatuko dira hiru finalistak: Aby-Kem, Belceblues eta Malenkonia. Badakigu hiru taldeak gogor entseatzen dabiltzala eta guztia emango dutela taula gainean.

Ohitura dugun moduan, Goiena Telebistak emanaldi guzti-guztia grabatuko du eta oraingoan bi aurkezle ibiliko dira gidari lanetan. Josu Txintxurreta errealizadoreak bideo berriak prestatu ditu, eta gonbidatuak, zozketak eta bestelako sorpresak izango dira.

Emanaldia Aby-Kemek hasiko du. Horren ostean, Belceblues arituko da; eta bukatzeko, Malenkonia. Talde bakoitza ordu erdiz arituko da. Une horretan SMS bidez eta Espaloian dagoen boto-kutxarekin botoak emateko aukera itxi egingo dute.

Epaimahaiak hiru finalisten arteko irabazlea eta bakarlari onena aukeratu beharko du, eta Ikuslearen saria jasoko duen taldea erabakitzeko zenbaketa egingo dute Goienako lagunek. Hori guztia Iruñeako Kerobia talde gonbidatuak jo bitartean. Kerobiak "Rose Escargot" izeneko bigarren lana aurkeztuko du, eta 40 minutuko emanaldia egingo du.

Jaialdia bukatzeko, lehiaketako hiru sariak banatuko dituzte: lehiaketako irabazlearena, ikusleek aukeratutako taldea eta bakarlari onena, hain zuzen ere.

Zorte on guztiei!