Danbaka.com

Denetariko estiloak gaur Danbakako hirugarren kontzertuan

Danbaka — Fri, 14 Nov 2008 08:42:59 +0100

Danbaka musika lehiaketaren hirugarren edizioko bide erdira heldu gara dagoeneko: gaur, egubakoitza, hirugarren kontzertua egingo dute Elgetako Espaloia Kafe Antzokian 22:30ean. Orain arte ikusi eta entzundakoaren arabera, esan dezakegu talde gehienek serio hartu dutela lehiaketa eta etxeko-lanak eginda joaten direla Elgetara.

Gaurkoan, Debagoieneko eta Durangaldeko bina talde arituko dira agertokian. Bakarlari batek zabalduko du gaua, gitarra eta armonikarekin bakarrik lagunduta: Los Viernes Al Ron izenpean Iñigo Irizar bergararra dago. Bakarlariari 70eko hamarkadako doinuek jarraituko diete, Arrasateko Bitter Honey talde berriaren eskutik. Horren ostean, baina, musika estiloa zeharo aldatuko da: Zornotzako Army-Armak iaz Berrizko musika lehiaketa irabazi eta rap-rock emanaldia egingo du. Horri 90eko hamarkadan jaio eta orain dela lau urte berpiztutako Brankan taldeak jarraituko dio.

Los Viernes Al Ron

Bergaran jaiotako Iñigo Irizarrek urte asko darama etxean gitarrarekin jolasten, armonika jotzen ikasten eta abesten. Are gehiago, bakarka zein Iñigo Gabilondo musikariarekin Gabi eta Pepi izenpean, Bergaran ezagun samarra da, emanaldi xume dezente egin dituelako. Aspaldian Antzuolan bizi da eta musika alboratuta zuela ematen zuen arren, jarraitzen du etxean konposatzen eta musika egiten. Bluesa, folk amerikarra eta beste lantzen ditu euskaraz, gitarrarekin eta armonikarekin lagunduta.

Bitter Honey

Talde berria da Bitter Honey, inoiz zuzenean aritu barikoa. Hala ere, musika taldea osatzen dutenak ez dira hasiberriak, ez ordea. Aitor abeslaria Jukeboxetik dator, Borja eta Enaitz Los Chicos Boom eta Radio Wings taldeetatik eta Mikel Black Sheeps taldetik. Guztiak arrasatearrak dira, Mikel ezik, azken hori bergararra baita. Aurreko taldeetatik tiratuta, 70eko hamarkadako doinuetan buru-belarri dabiltza, eta tarteka, beste askoren artean, Flaming Grooviesen izpiritua ekartzen dute gogora.

Army-Arma

Army-Arma Eubako (Zornotza) taldea da. Berez gazte samarra bada ere (2006an sortutakoa), taldekideek eskarmentu nahiko daukate eta iaz Berrizko Aldapa Musika Lehiaketa irabazi zuten. Seikote honen eskaintza irmoa da: rocka, metala, funka eta rap-a batzen dituzte. Funk-rock oinarrietatik abiatuta, riff rockeroekin eta DJen scratchekin asko aberasten dute emaitza. Gazteleraz abesten duten arren, Rage Against The Machine eta Red Hot Chilli Peppersen ildo antzekoetan dabiltza.

Brankan

Brankan taldearen kasua bitxi samarra da. Hain zuzen ere, hirukote hori 90eko hamarkadan hardcorea egiten ibili zen, Andoaingo Karkaxa, Bermeoko Münsterland eta beste talde batzuekin batera, 2000n taldea bertan behera utzi zuten arren. Orain dela lau urte, baina, Aitor Osa eta Igor Larrinagari Denis Alberdi bateria jotzailea batu zitzaien. Berriz eta Markina artean kokatutako talde honek, baina, koordenadaz zeharo aldatu du: rock iluna egiten dute, ez hain azkarra eta melodikoagoa.

KONTZERTU DIDAKTIKOA ABIAN

belceblues — Sat, 28 Jun 2008 18:03:19 +0200

Belcebluesek kontzertu didaktikoak eskainiko ditu 2008/2009 ikasturtetik aurrera.

Bereziki 13-14 urte bitarteko haurrentzat prestatuta badago ere, edozien adinetako ikusentzuleei dago zuzendua.

Informazio gehiago www.belceblues.com

Nabari taldeak azken kontzertua emango du bihar

Imanol Soriano — Fri, 04 Jan 2008 09:44:49 +0100

Sei urte eskenatoki gainean eman ondoren, eta bi urteko etenaldiaren ondoren Berrizko Nabari taldeak azken kontzertua egingo du. Zapatuan, urtarrilaren 5ean, Durangoko Plateruena Kafe Antzokian.

1999an sortu zen taldea eta 2005. urtera arte kontzertu ugari egin dituzte. Talde gazte honek Heavy Metal estiloa jorratzen du. Judas Priest, Primal Fear, Helloween, Gamma Ray eta Manowar bezalako taldeak erreferentziatzat hartuta.

Taldekideek bide eta proiektu berriak aukeratu zituztelako utzi zuten taldea. Egun, batetik bestera utzi zuten taldea, eta azken kontzertua Bartzelonako Sonar jaialdian eman zuten Sei Urte taldearekin batera.

Taldekideek bidalitako oharraren arabera "ezin izan ziren behar bezala agurtu" eta "taldekideak elkartu eta jai eder batean azken kontzertua ematea erabaki" zutela esan dute.

Aurten, Durangoko Azokarako "Azken Metal Hotsa" CDa kaleratu dute Estoldetan diskoetxearekin. CD berri hau 2003. urtean kaleratutako 'Metal Hotsa' maketako abestiak eta kantu berriez osatuta dago. Durangoko azokan eta durangaldeko zenbait tabernetan egon da salgai.

Azken kontzertua

Zuzeneko berezia izango da, taldeak sasoi desberdinetako bere kantak nahastatuko dituzte. Sorpresak ere egongo direla iragarri dute.
Berrizko taldeak Iruñeako Akatu taldea izango du lagun giroa berotzeko. Kontzertua zapatuan, urtarrilaren 5ean, 22:00etan izango da eta sarrera doan da.

Latzenek Oñatin eman beharreko kontzertua bertan behera

Maider Arregi — Thu, 03 Jan 2008 13:13:43 +0100

Otsailaren 2an Latzenek Oñatin eman behar zuen kontzertua bertan behera geratu da. Txintxarri Management-ek gaur, urtarrilak 3, kaleratu duen prentsa oharrean, " agenda eta arrazoi teknikoen" ondorioz egunez eta lekuz aldatu dutela kontzertua adierazi dute. Otsailaren 9an, beraz, Eskoriatzako kiroldegian emango dute kontzertua. Gainera, DVDaren zuzeneko grabaketa ere egingo da.

Hona hemen Txintxarrik bidalitako komunikatua:

“Latzen tadea, arrazoi teknikoak eta agendarenak direla eta, otsailaren 2rako iragarrita zegoen kontzertua egunez eta lekuz aldatzera behartuta dago. Oñatin egitekoa zen kontzertua, Eskoriatzako polikiroldegian, otsailaren 9an izango da. Egun honetan egingo da DVDaren zuzeneko grabaketa. Taldeak barkamena eskatzen dizuete izandako aldaketa eta sortutako eragozpenengatik. Laster jakinaraziko zaizue aipatutako kontzerturako xehetasun guztiak: salmenta puntuak, ordutegia, etab.”

Loan eta gu Zarautzen

Zart — Tue, 01 Jan 2008 17:34:31 +0100

Egurra ematen jarraitzen dogu peña.

Urtarrilak 4ien Zarautzko Putzuzulo gaztetxian joko dogu Bilboko Loan taldiakin 22:00etan.

Guk Azken Guda diskua aurkeztuko dogu eta Loanek Kobazuloan saiakerak diskua. Biak fresko fresko.

Animau da etorri.

TXAPAKO KONTZERTUAK: ENEMY ALLIANCE + ADRENALIZED

flyshit — Sun, 18 Nov 2007 13:05:22 +0100

Ostegun honetan, azaroak 22, Txapa irratiak kontzertua prestatu du Bergarako gaztetxean. Suediatik ENEMY ALLIANCE (Satanic surfers eta Venerea ohiak) gerturatuko dira, Donostia aldetik berriz ADRENALIZED taldea. Bi taldeek hardcore doinuak lantzen dituzte. GAueko 9etan hasiko da, eta sarrerak 5 euro balioko ditu.

Txapa irratia Bergara eta Elgetan 97.25fman entzun daiteke. Horretaz gain internet bidez ere entzun daiteke, txapa irratiko webgunean entzun sakatuz.

Marilyn Mansonek kontzertua eskainiko du BECen

Maider — Tue, 02 Oct 2007 17:44:27 +0200

Marilyn Mansonek Euskal Herria bisitatuko du eta BECen kontzertua eskainiko du azaroaren 23an. Sarrerak 35 eurotan salduko dira. Turbonegro talde eskandinabiarra izango dute lagun. Turbonegrok Eskandinabiako rocka astindu eta berpiztu du.

Radio Wings taldeak azken kontzertua emango du egubakoitzean

Maider Arregi — Wed, 05 Sep 2007 15:41:18 +0200

Arrasateko Radio Wings taldeak azkeneko kontzertua eskainiko du Arrasateko gaztetxean, 23:00etan, irailaren 7an, egubakoitzean.

Esta es una noche de R&R

dolce — Thu, 15 Feb 2007 21:21:06 +0100

Barricada taldearen bertsioa Arrasateko Lennon tabernako kontzertuan.
Eskerrik asko ogryss!

Profundas heridas

dolce — Thu, 15 Feb 2007 21:19:05 +0100

Profundas heridas abestia Arrasateko Lennon tabernako kontzertuan.
Eskerrik asko ogryss!

Mi desgracia

dolce — Thu, 15 Feb 2007 21:13:30 +0100

Mi desgracia abestia Arrasateko Lennon tabernako kontzertuan. Abesti honetan Jorge, Dolce Vitako lehengo abeslariak parte hartzen du.
Eskerrik asko ogryss!

Blood On The World's Hand

dolce — Thu, 15 Feb 2007 21:04:41 +0100

Iron Maiden taldearen bertsioa Arrasateko Lennon tabernako kontzertuan.
Eskerrik asko ogryss!

Kilometroak 07ren aldeko kontzertua

Iker — Thu, 08 Feb 2007 18:55:41 +0100

Otsailaren 23an, egubakoitza, Kilometroak 07ren aldeko kontzertua egingo dute Bergarako Jam aretoan.

Honako taldeak arituko dira zuzenean; Matx, Radio Wings, Aby-kem eta Yotox.

Sarrerak 3 eurotan salgai daude Bergarako Etxagi, Arrano, Kortazar, Pol-Pol eta Ikastolan.

Santamas eguneko kontzertua Lenon tabernan Youtuben ikusgai

dolce — Tue, 23 Jan 2007 16:18:55 +0100

Abenduaren 22an, Santamas eguna, kontzertua eman genuen Arrasateko Lennon tabernan Bergarako Lord With taldearekin batera.

Bideoak dituzue ikusgai ogryss-i esker. Lan bikaina egin du bideoak grabatzen eta editatzen. Dolcevitametal kanala ere sortu du kontzertuan grabatutako bideo guztiekin.

Eskerrik asko ogryss!

Danbakako kontzertua, final nagusia

Aby-Kem — Tue, 23 Jan 2007 15:40:16 +0100

Aupa!

Hemen Danbakako final nagusian eman genuen kontzertua oso osorik ikusgai. Goiena Telebistak eskaini zuen pasa den astean.
Zuen iritziak espero ditugu! Disfrutatu!!!

Kontzertuko bideoa

Kontziertua oñatiko gaztelekuan

malenkonia — Wed, 20 Dec 2006 20:45:51 +0100

Ze xauk peña???

Honi apur bat "vidillia" emun biako xau...

Asuntua da kontziertua joten dula Oñatiko gaztelekuan(Amplixan ta istrumentuak mobittian koñazo barik(bueno, koñazua bai baiña txikiñaua XD)!!!!). Kontziertua etxian!!!!

Abenduak 30 da kontziertua ta BIDE ERTZEAN-ekin joten du. Animau etortera!!! Benga! Benga!

Berri Txarrak taldeak Madrilen eman beharreko kontzertua debekatuta

Iker — Tue, 05 Dec 2006 19:42:38 +0100

Berri Txarrak taldeak abenduaren 15ean Rivas-Vaciamadriden (Madrilgo komunitatean) iragarritako kontzertua bertan behera gelditu da eskuin-muturreko presioengatik. Jakinarazi dutenez, PPren esku dagoen Madrilgo Erkidegoko Hezkuntza Kontseilaritzak ez du kontzertua eskola publiko baten egoitzan egiteko baimenik eman, "ETAren aldeko taldea" direla argudiatuz.

Taldeek esperotakoa erakutsi zuten mailari eta erantzunari dagokienez

Jon Berezibar — Mon, 20 Nov 2006 15:57:46 +0100

Emanaldirik jendetsuenetakoa izan zen egubakoitzeko Danbaka. Hirugarren kontzertu sorta, eta ia 400 lagun pilatu ziren Espaloiko oholtza parean, gaueko lau zuzenekoak ikusteko gertu. Denetarik egon zen, arazo teknikoak eta umorerako une eta guzti. Musika aldetik txukun ibili baziren, aurten ere ziurtatu da giro ona bermatzen dela Danbakan, kontzertuak edozein izanda ere.

Igor bakarlariak ireki zuen gaua. Letra etzanean doa bakarlariaren kontua, ia gainontzeko taldeetako kideak batuta baino musikari gehiago igo zituen-eta Aretxabaletakoak. Haize, gitarra, baxu eta bateriarekin, maila oneko musikariz inguratu zen Igor, baina oraindik ere entsegu orduak falta zitzaizkiela eman zuen. Hala ere, moldatzea lortu eta gabeziak ikusleekin izandako konplizitatearekin konpondu zituen Igorrek. Lagun koadrila polita igo zen Elgetara Aretxabaletatik.

Arazo teknikoak

Gero, Mahaster Riverrekoek taldearen maila bikaina egiaztatu besterik ez zuten egin, nahiz eta kontzertu erdian hautsitako gitarraren soka batek pil-pilean zegoena zertxobait hoztu zuen. Eragozpenak gaindituta, bergararrek estilo eta gustu on erakustaldi aparta egin zuten. Oso kontuan hartzekoak. Gauari, hala ere, erritmo falta nabari zitzaion, eta hori konpontzeaz Los Cretinosekoak arduratu ziren. Eskertzekoa izan zen Barbak baterian erakutsitako tinkotasuna. Zuzeneko zuhurra izan zen, baina eraginkorra.

Gaua ixteaz, berriz, Yotox bergararra arduratu zen. Arazo teknikoak orduan ere hasieran eta motorrak berotzen denbora dezente egin zuten. Hala ere, behin martxan jarrita oso itxura ona hartu zuen emanaldiak. Eszenaratzeari dagokionez ere proposamenik berritzaileenetakoa izan zen. Irudi proiekzioek ere asko lagundu zuten, eta arriskuak hartzen jakitea beti da interesgarria. Gauari amaiera polita eman zioten Yotox eta gitarra jole maskaradunak.

Fitxa teknikoa

• Giroa
Ia 400 lagun igo ziren egubakoitzean Elgetako Espaloia Kafe Antzokira. Kontzerturik jendetsuenetakoa izan zen eta bukaerarako askok kale egin bazuten ere, giro polita egon zen. Jende kopuru ona dabil erakartzen aurtengo Danbaka, eta zuzenekoetan nabaria izaten da hori. Lagun eta familiakoek ez dute hutsik egiten hitzorduetara.

• Argia eta soinua
40.000 watt argitan eta 8.000 soinuan.

Bihar (Urriak 28) Kontzertua Oñatiko Gaztelekuan

malenkonia — Sat, 28 Oct 2006 14:27:13 +0200

Bihar, Urriak 28 igandea, arratsaldeko zortziretatik aurrera kontzertua izango da Oñatiko Gaztelekuan.
Erase Errata (San Francisco) + Dj Xake + Malenkonia

Gurekin domeka arratsalde entretenigarri bat pasatzea gonbidatzen dizugu.

Lordiren kontzertua martxoaren 2ra atzeratu dute

Iker — Wed, 18 Oct 2006 09:56:34 +0200

Aurrerakoan iragarri genizuen Finlandiako Lordi taldeak urriaren 20an Bergarako Jamen egin beharreko kontzertua kolokan zegoela. Azkenean, bertan behera utzi dute egubakoitzeko emanaldia, eta 2007ko martxoaren 2an izango dira Bergarako aretoan.

Lordi taldeak Eurovision lehiaketa irabazi zuen, eta Europan zehar egin beharreko hainbat emanaldi bertan behera utzi dituzte taldekideetakoren bat gaixorik dagoelako.

Lordik Jamen egin beharreko kontzertua kolokan

iker — Mon, 16 Oct 2006 11:40:59 +0200

Finlandiako Lordi taldeak urriaren 20an Bergarako Jam aretoan egin beharreko kontzertua kolokan dago, taldekidetakoren bat gaixorik dagoelako.

Lordi taldeak Eurovision lehiaketa irabazi zuen, eta horren ondorioz oihartzun handia hartu zuen.

Uda aurretik Europatik barrena egin beharreko "Bringing Back The Balls to Europe" bira iragarri zuten. Espainiako Estatuan lau emanaldi egin behar zituzten: Madrilen, Murtzian, Bartzelonan eta Bergaran, hain zuzen ere.

Lordi taldearen webgunean iragarri dute Espainiako Estatuan egin beharreko emanaldiak bertan behera gelditu direla, eta kontzertuak ematen jarraituko dutela Antwerpen (Belgika) urriaren 22tik aurrera. Horren arrazoia da taldekoren batek laringitisa daukala.

Bergarako Jam aretoak, berriz, jakinarazi digu Murtzia eta Madrilgo kontzertuak bertan behera utzi dituzten arren, oraindik balitekela Bartzelonako eta Bergarako kontzertuak egitea.

Ezin Izan taldeak kontzertua egingo du Jurasic Punk jaialdian

Iker — Fri, 22 Sep 2006 11:07:21 +0200

Donostia eta Andoaingo musikariek osatutako Ezin Izan taldeak kontzertu bat egingo du urriaren bukaeran. Euskarazko punk-hardcorearen aitzindari izan zen talde hori 90eko hamarkadan jaio zen eta hamarkada erdialdean taldea bertan behera utzi zuten. Ordutik ez dira berriro elkartu. Jabi Destruye musika sustatzailea da taldeko abeslaria.

Urriaren 27an eta 28an Andoaingo gaztetxean egingo duten Jurasic Punk elkartasuneko jaialdirako bat egitea erabaki dute. Jaialdi horren helburua da gaixotasun larri bat daukan lagun batendako dirua batzea.

Urriaren 27an, honako taldeek esku hartuko dute: Nuevo Catecismo Catolico, Lendakaris Muertos, Anti-Regimen, Malos Tiempos eta Afonia.

Urriaren 28an, berriz, beste hauek: Suspenders, Señor No, Hell Beer Boys, Defecto Humano, Sutura eta Ezin Izan.

Azkena Rock-en oso gustoa

sharon — Thu, 07 Sep 2006 15:24:01 +0200

Aupa, lagunak!

Beste behin Gasteizeko Azkena Rock jaialdixa ikustera fan ga, eta oinguan gañea gu be taula gañian!

Jaialdixa hasteko papela guk bete geben, eguen atsaldian, 40º graduko eguzki-stonerrran azpixan. Jende asko keizpetan geldittu zan albuetatik kontzertua ikusten. Gure jarraitzaile fidelak eta beste hainbat lagun, berriz, kamisetia izerdittu ebein eszenatokixan. Guk ahal izan geben dana emun geben, a tope, betiko mouan!!!!

Bestela, ikusgarrixa izan da halako jaialdi bat barrutik ikusteko aukeria eukittia eta backstagien ibilttia. Gañea, organizaziñuak oso ondo tratau gau. Gañea Brant Bjork eta Misfits-eko Jerry Only be ezauketako aukeria euki geben!!!

Hemen dakotzue han ataratako argazki batzuk.

ESKERRIKASKO Eskoriatza eta Onbide.org!

amonal — Sun, 02 Jul 2006 13:59:15 +0200

Mila esker onbide.org eta eskoriatza! Eguaikotzeko festixa de puta madre fan zan, eta kutisa kixkalketan ebein fokuak eta soinu arazotxonbat izan ezik, beste dana txapó! Lastimia taula gainetik pareko mendixan ikusten zan triskantzaia indda eotia ... Besarkada bat, eta animo! Ah, eta ez ahaztu hautsan kontrako maskarillak erosteia ... Geldi dezagun hiri haundia!

Portzierto, azpimarratu biharrekua txosna gunian juntau zan jende pilia, eta baitta onbide.org elkartekuek "fabrikau" ebeiñ txosnia be ... "Me río de Bricomanía"! Ah, eta zapatu ilunkarako mojitua del 10! Portau zai!

Eta bukaketako, eskerrak be bai Potemkin, Los Cretinos eta Klineks taldiei be ... Bo!

A fuerza de Rock (zuzenean Lesakan)

Dolce Vita — Tue, 20 Jun 2006 09:40:48 +0200

Siempre habrá
Gente que nos odie a matar
Buscarán
Cualquier historia para censurar
Cerrarán
Mil locales donde ensayar
Pues dirán
Que esto no es música ni es ná

Lo que ellos quieren es que el Heavy
No tenga proyección
Que nos cortemos las melenas
Que no escuchemos Rock
Que queme mi stratocaster
Mi pedal de distorsión
Pero no saben que la fuerza
Siempre hará la unión

No lo lograrán... (no lo lograrán)
Mientras tenga ganas de tocar
No lo conseguirán... (no lo conseguirán)
Pues el Heavy Rock resistirá.

Dicen que este no es el camino
Que debo de seguir
Que la vida es muy jodida
Que tengo que sufrir
Yo quiero hacer lo que me gusta
O al menos intentar
Que la gente mira y escuche
Y pueda opinar

No lo lograrán... (no lo lograrán)
Mientras tenga ganas de tocar
No lo conseguirán... (no lo conseguirán)
Pues el heavy rock resistirá...

A golpes (zuzenean Lesakan)

Dolce Vita — Thu, 15 Jun 2006 10:02:55 +0200

Nunca mi ley (zuzenean Lesakan)

Dolce Vita — Tue, 13 Jun 2006 10:07:06 +0200

Estoy aquí, en soledad
Pero tengo que aguantar
Y ahora tu, vienes a mi
Dices yo te haré feliz.

Y sigues una y otra vez
Y no me dejas cumplir
Mis sueños,
Que son tan solo divertir
Y que me dejes en paz
No eres mi dueño.

Nunca serás mi ley
Nunca seré tu perro fiel
Nunca tendrás poder
No me vencerás lo sabes muy bien.

Y ahora tu, fuiste a caer
En la droga y el alcohol
Y ahora aquí, yo disfruté
Pues soy libre otra vez.

Caíste enfermo de verdad
Y por fin yo cumpliré
Mis sueños,
Que son tan solo poder tocar
Divertirme y disfrutar
De mis sueños,

Nunca serás mi ley
Nunca seré tu perro fiel
Nunca tendrás poder
No me vencerás lo sabes muy bien.

Pobre infelices (zuzenean Lesakan)

Dolce Vita — Sat, 10 Jun 2006 10:08:25 +0200

Me encuentro tan solo en esta ciudad
No tengo a nadie solo tengo que luchar
Contra la injusticia de la sociedad
Que castigan a algunos por su situación socia

Desesperado no puedo aguantar
La hipocresía de la gente de ciudad
Se creen más que nadie solo quieren pisotear
A la gente pobre que encima tienen que aguantar

Pobres, vagabundos ya no saben donde ir
Su casa es la calle, bajo un cartón deben vivir
Borrachos sin nombre, gente con dolor
Son despreciados, por su situación.

Y ahora todos juntos vamos a luchar
Contra la injusticia de esta dura sociedad
Me pone enfermo la gente que al pasar
Giran el cuello y ellos miran para atrás.

Pobres, vagabundos ya no saben donde ir
Su casa es la calle, bajo un cartón deben vivir
Borrachos sin nombre, gente con dolor
Son despreciados, por su situación.

Gusarock elkartasuneko kontzertuak

Iker — Sat, 29 Apr 2006 18:23:28 +0200

Hatortxu jaialdian Raul Gallego "Gusa" Nok musika taldeko gitarra jotzaileak istripua izan zuen. Horren ondorioz, medikuek tetraplejia diagnostikatu zioten eta "Gusa"k borrokan dihardu.

Hatortxu Rock jaialdiko lagunek, Raulen lagunek eta senideek "Gusa"-k une honetan eta aurrerantzean izango dituen behar ekonomikoak bermatzeko hainbat kontzertu antolatu dituzte.

Honako emanaldiak egingo dituzte bere alde:

. Maiatzaren 5ean, Iruñean: Marea, Betagarri, Txapelpunk eta Gatillazo.
. Maiatzaren 12an, Durangon: Soziedad Alkoholika, Gatibu, Ken Zazpi eta Kaotiko.
. Maiatzaren 13an, Durangon: Bebe, Skalariak, Fritanga eta Etsaiak.
. Ekainaren 2an, Bartzelonan: Miseria y Compañia, Etsaiak, Su Ta Gar, Etsaiak eta Calima.
. Ekainaren 3an, Bartzelonan: Shuga Wuga, Kuraia, Berri Txarrak eta Boikot.

Ekimen horien gaineko informazio gehiago webgune honetan aurkituko duzue.