Danbaka.com

Euskal Herria Zuzenean jaialdiko nondik-norakoak konfirmatuta

Iker — Fri, 09 May 2008 10:44:42 +0200

Dagoeneko eman dituzte ezagutzera aurtengo Euskal Herria Zuzenean jaialdiaren gaineko nondik-norako guztiak.

Ekainaren 27an, 28an eta 29an egingo dute, azken urteotan moduan, Idauze Mendin. Azken urteotako programazio osatuenetakoa lortu dute. Euskal Herriko talde asko eta anitzez gain, Andaluzia, Katalunia, Alemania, Suedia, Herbehereak eta beste hainbat lurralde egongo dira ordezkatuta. Musika estiloak ere denetarikoak izango dira:

27an, egubakoitzean:
-Ojos de Brujo.
-Obrint Pas.
-Keny Arkana.
-Borrokan.
-Ultra Vomit.
-Loo & Placido.

28an, zapatua:
-Clawfinger.
-Ministere des Affaires Populaires.
-Bauchklang.
-Latzen.
-Alamo Race Track.
-Potato.
-Pib All Star.
-Sister Simone and the Holly Balls.
-Inserta.

29an, domeka:
-Toots&The Maytals.
-Tonino Carotone.
-Ruper Ordorika.
-Esne Beltza.
-Booze Brothers.
-Akerbeltz.

Maiatzaren 18ra arte hiru eguneko bonoa 30 euro izango da. Baina, hortik aurrera, 40 eurotan eskuratu ahal izango da. Bestalde, egubakoitzeko sarrera 18 eurotan saltzen dute; zapatukoa 20 eurotan; eta domekakoa 15 eurotan.

Sarrerak eskuratzeko jo jaialdiko webgunera edo Baionako Elkar, Garaziko Kala ostatura edota Mauleko turismo bulegora.

Hastear da Actual jaialdia

Iker — Tue, 01 Jan 2008 17:02:31 +0100

Urtarrilaren 2an hasiko da Actual jaialdi bereziaren aurtengo edizioa. Errioxako gobernuak antolatzen duen jaialdi hori da Espainiako Estatuan egiten den egutegiko lehena.

Actual izenpean mota askotako musika taldeak eramango dituzte eguaztenetik domekara bitartean Logroñoko Palacio de los Deportesera: Asian Dub Foundation ingeles-asiatiko berritzaileak, Los Planetas noise-poperoak, Aterciopelados kolonbiarrak, Potato reggaearen aitzindari gasteiztarrak, Los niños de los ojos rojos fusio-zaleak, The Waterboys, Quique Gonzalez, Brendan Croskerry eta abar luze bat.

Horrez gain, egun horietan Logroñoko beste hainbat aretotan film independienteen estreinaldiak egingo dituzte; hainbat erakusketa izango dira; eta Nazioarteko Animazioko Film Laburren lehiaketa egingo dute, besteak beste.

Potato taldearen azken kontzertuak

Iker — Fri, 27 Jul 2007 13:45:42 +0200

Potato talde gasteiztarrak abenduaren 31n eskainiko du bere azken kontzertua. Aurretik beste hainbat emanaldi egingo ditu agur moduan.

Abuztuaren 4an, Gasteizko Foruen plazan arituko da 23 urteko ibilbide oparoa egin duen Euskal Herriko reggae-aren aitzindariak. Kontzertu hori grabatu egingo dute, eta Durangoko Azokan salgai izango den disko-liburuan sartuko dute.

Disko-liburu hori kaleratu aurretik, ordea, hiru kantuz osatutako diskoa argitaratuko dute: "Gracias y agur" izango du izena diskoak.